Хиллари Клинтон: Трампыг ялагдлаа хүлээхгүй хямрал үүсгэж магадгүй гэж эмээж байна

АНУ-ын Төрийн нарийн бичгийн дарга асан, 2016 оны Ерөнхийлөгчийн сонгуульд Ардчилсан намаас өрсөлдөөд ялагдал хүлээсэн ХиллариКлинтон нь Ерөнхийлөгч ДональдТрампыг арван нэгдүгээр сарын сонгуулиар ялагдсан ч албан тушаалаасаа буухаас татгалзаж магадгүй гэж мэдэгдсэн байна.

ХиллариКлинтон “Энэ хүн хожигдвол тайван явах гэж байна уу эсвэл үгүй юу гэдэг асуудлыг хөндөх нь зөв гэж бодож байна” гэжээ. Трамп ньсонгогчид шуудангаар саналаа өгөх явцад зөрчил гарч магадгүй гэдгээр халхавч хийж, сонгуулийн үр дүнг зөвшөөрөхгүй байх магадлал өндөр гэдгийг Клинтон онцолжээ.

АНУ-д COVID-19-ийн тархалтын улмаас сонгогчдыг шуудангаар саналаа явуулахыг зөвшөөрсөн байгаа аж. Харин Трамп нь шуудангаар саналаа явуулах нь сонгуулийг үр дүнг будилаантуулах боломж гэж үзэж байгаа бөгөөд удахгүй болох сонгуулийг Америкийн түүхэн дэх хамгийн их хуурамч саналтай болж магадгүй гэж мэдэгдсэн юм. Тэрээр “Бид дэлхийн Нэгдүгээр дайн, Хоёрдугаар дайны үеэр ямар ч асуудалгүй саналаа өгч байсан атал тэд одоо шуудан ашиглан мэхлэхийн тулд COVID-ийг ашиглаж байна” гэжээ.

Харин ХиллариКлинтон нь Ерөнхийлөгч Трампын энэ болгоомжлолыг ямар ч үндэслэлгүй, сонгуульд саад хийх гэсэн мэдэгдэл гэж тайлбарласан. Трампын гол өрсөлдөгч гэгдэж байгаа Ардчилсан намаас нэр дэвших гол хүн ЖоБайден бүр хатуу  мэдэгдэл хийж,Трамп сонгуульд ялагдсан гэдгээ хүлээн зөвшөөрөхгүй тохиолдолд цэргийн хүчээр төр эргэж болзошгүй гэсэн байна.