АНУ эрх ашигт нь үл нийцэх олон улсын байгууллагуудаас гарна

АНУ нь Ерөнхийлөгч Трампын захиргаа нь үр ашиггүй, бодит үр дүнгүй гэж үзсэн олон улсын байгууллагын үйл ажиллагаанд оролцохоос татгалзах бодлого баримтална гэжээ. Ерөнхийлөгчийн Үндэсний аюулгүй байдлын зөвлөх Роберт О'Брайен нь “New York Post” сонинд бичсэн нийтлэлдээ энэ тухай дурдсан байна.

Энэхүү бодлогыг хэрэгжүүлэх хүрээнд АНУ-ын Ерөнхийлөгч нь Афганистанд Америкийн цэргийн албан хаагчдын үйлдсэн гэх гэмт хэргийг мөрдөж байсан  Олон улсын эрүүгийн шүүхийн ажилтнуудын эсрэг эдийн  засгийн хориг тавьсан гэдгийг О'Брайен дурджээ. Мөн Ираны цөмийн хөтөлбөрийн дагуу хамтын гэрээнээс гарсан гэдгийг хэлээд “Трамп нь америкчууд ба улс орныхоо тусгаар тогтнолыг хамгаалахын тулд ийм алхам хийсэн. Олон улсын гэрээ ба байгууллагууд нь манай улсын хувьд шударга бусаар хандаж, татвар төлөгчдийн мөнгийг дэмий үрсэн гэж үзвэл тэрээр цаашид ч эрс шийдэмгийн арга хэмжээ авах болно” гэжээ.

Цаашлаад “Трампын шийдэмгийн алхам нь АНУ-ын манлайлагчийн үүргийг огт багасгаагүй, бид өөрсдийн хүлээсэн үүрэг, үзэн санаанаасаа татгалзсан хэрэг биш. Гэхдээ бид ардчилалд хохирол учруулж байгаа олон улсын институт эсвэл гэрээг холбоотон ба түнш улсуудтайгаа хамтран өөрчилж чадахгүй юм бол тэдгээрийн санхүүжүүлэх ёсгүй. Хуулийн дээдэлж, ардчилал ба эрх чөлөөг дэмждэг байгууллагууд л АНУ-аас дэмжлэг авах эрхтэй” гэжээ.

Түүнчлэн энэхүү бодлогын дагуу АНУ нь Дэлхийн эрүүл мэндийн байгууллага, Парисын цаг агаарын өөрчлөлтийн талаарх гэрээнээс гарсан гэдгийг сануулжээ.