Туркт төрийн эргэлт хийх оролдлогын үеэр амиа алдсан иргэдийн дурсгалыг хүндэтгэж байна

Турк улс  дөрвөн жилийн өмнө болсон үйл явдлыг эргэн дурсаж байна. Дөрвөн жилийн тэртээх энэ өдөр буюу 2016 оны долоодугаар сарын 15-нд Туркийн армийн өндөр албан тушаалын хэсэг офицерууд төрийн эргэлт хийж, Эрдоганыг түлхэн унагах оролдлого хийсэн байдаг.

Цэргийнхэн долоодугаар сарын 16-ны шөнийн 3 цагт итгэлтэй цэргийн ангиудаа хөдөлгөн төрийн эрхийг булааж авахаар шийдээд байсан ч Туркийн Үндэсний тагнуулын байгууллага “MIT” нь долоодугаар сарын 15-нд энэ талаар олж мэдсэн тул товлосон цагаасаа эрт 15-ны шөнө хөдөлжээ. Төрийн эргэлт зохион байгуулсан Цэргийн нисэх хүч ба цэргийн цагдаагийн албаныхан Анкара болон Стамбул дэх чухал объектууд руу дайрсан байна. Тэд жанжин штаб, цагдаагийн газар, Дотоод яам, парламентын ордон руу нисэх онгоц, нисдэг тэрэг ашиглан дайрахтай зэрэгцэн Анкара дах Эрдоганы байранд онгоцоор цохилт өгсөн байна.

Ерөнхийлөгч Эрдоган энэ үеэр Мармарис хотод амарч байсан бөгөөд босогчид түүний байрлаж байсан зочид буудал руу дайрахаас хэдхэн минутын өмнө амжиж аюулгүй газар руу очсон тулдаа баривчлагдалгүй, амиа алдалгүй үлдсэн байна. Хожим “Reuters” агентлагийн мэдээлснээр босогчид тусгай хүчний 25 цэрэг суулгасан гурван нисдэг тэрэг Мармарис руу явуулж, тэд нь нисдэг тэрэгнээс тросоор дамжин бууж зочид буудлыг эзлэхийг завдсан ч Ерөнхийлөгчийн хамгаалалтын албаныхан эсэргүүцэл үзүүлжээ.

Үүний дараа ЭрдоганСтамбул руу яаралтай нислэг үйлдэх үеэр босогчдын мэдлийн хоёр F-16 сөнөөгч онгоцыг дагасан ч тодорхойгүй шалтгааны улмаас гал нээгээгүй байна. Үүний дараа Стамбулд эсэн мэнд ирсэн Эрдоган ард түмэндээ хандан зурагтаар уриалга гаргахад олон мянган энгийн иргэд Туркийн том хотуудын гудамж талбайд гарч, төрийн эргэлт хийхээр оролдсон армийнхныг эсэргүүцэн жагсаал цуглаан зохион байгуулж, зарим газар цэргийнхэнтэй буудалцсан байна. Ийнхүү ард