Оросын зэвсэгт эргүүлийн цувааны замд бөмбөг дэлбэлжээ

Сирийн Эрих суурины орчим эргүүл хийж явсан Турк ба Оросын зэвсэгт эргүүлийн цувааны замд бөмбөг дэлбэлсэн тухай Туркийн Батлан хамгаалах яам мэдээлжээ. Дэлбэрэлтийн улмаас хүний амь эрсдээгүй ч хоёр хуягт машин гэмтсэн гэж байна. Сири дэх маргалдагч талуудыг эвлэрүүлэх Оросын төв нь дэлбэрэлтийн улмаас Оросын гурван цэргийн албан хаагч хөнгөн шархадсан гэж мэдээлжээ.

Одоо Турк, Оросын цэргийн удирдлага нь Сирийн тусгай албадтай хамтран Идлибийн ойролцоо үйл ажиллагаа явуулдаг зэвсэгт бүлэглэлүүд дайралтад холбоотой эсэхийг тодруулах арга хэмжээ авч байгаа аж.

Хамтарсан эргүүл дайралтад өртсөн ч цаашид Идлибийн орчим эргүүл хийхээ зогсоохгүй гэжээ.