БНХАУ Өмнөд Хятадын тэнгисийн ихэнхийг мэдэлдээ авах санаархлыг АНУ хүлээн зөвшөөрсөнгүй

АНУ нь Өмнөд Хятадын тэнгисийн ихэнхийг өөрийн мэдлийнх болгох гэсэн БНХАУ-ын санаархлыг зөвшөөрөхгүй гэдгээ анх удаа албан ёсоор зарласан байна. АНУ-ын Төрийн нарийн бичгийн дарга Майк Помпео нь Засгийн газраа Энэтхэгийн ба Номхон далайн бүс нутгийг чөлөөт бөгөөд нээлттэй бүс нутаг болгохын төлөө байгааг мэдэгджээ. Тэрээр “Бид Өмнөд Хятадын тэнгисийн нэн чухал хэсгийн талаарх АНУ-ын бодлогыг бэхжүүлж байна. Тайлбарлавал, Өмнөд Хятадын тэнгисийн эргийн бус нөөцийг Бээжин өөрийн болгох гэж санаархаж байгаа нь хууль бус” гэжээ.

Хэдхэн хоногийн өмнө Өмнөд Хятадын тэнгист Хятадын тал хээрийн сургууль хийсний хариуд АНУ нь нисэх онгоц тээгч хоёр ч аварга усан онгоц, стратегийн бөмбөгдөгч оролцуулсан хариу хээрийн сургууль явуулаад байсан юм.