Японы Засгийн газар нүүрсний салбарт хөрөнгө оруулалт хийхээ зогсооно

Японы Байгаль орчны сайд СинзироКоизуми “Financial Times” –т ярилцлага өгөхдөө улс нь цаг агаарын өөрчлөлт, хүлэмжийн хийн ялгарлын эсрэг хийх тэмцэлд хувь нэмэр болох үүднээс нүүрсний хэрэглээг ихээхэн багасгах бодлогыг баримталсан хэвээр гэж мэдэгдсэн байна. Энэхүү бодлогын хүрээнд Японы Засгийн газар Зүүн Өмнөд Азийг эрчим хүчний цэвэр эх үүсвэр рүү шилжихийг түргэсгэх үүднээс энэ бүс нутаг дах нүүр олборлох ба ашиглах төслүүдийг санхүүжүүлэхээ улам хязгаарлана гэсэн байна. Коизуми нь Японы Засгийн газар нүүрсээр ажилладаг цахилгаан станцын турбин экспортлохоо бүрмөсөн зогсоохгүй ч, ийм төрлийн цахилгаан станцуудад хөрөнгө оруулалт хийхээ аажмаар бүрэн зогсооно гэжээ. Тэрээр “Саяхныг хүртэл Японы төр ийм төрлийн төслүүдэд “Зарах боломжтой болно зарна” гэсэн зарчмаар хандаж ирсэн. Харин одоогоос бүх зүйл өөрчлөгдөж байна. Ийм төслүүдийг дэмжихгүй” гэсэн байна.

Японы Засгийн газар нь Энэтхэг, Вьетнам, Индонези зэрэг улсууд нүүрсээр ажилладаг цахилгаан станц барихдаа Японы “Mitsubishi Heavy Industries”, “Hitachi”,  “Toshiba” компаниудын тоног төхөөрөмж суурилуулах тохиолдолд их хэмжээний хөнгөлөлттэй зээл олгож байсан. Гэвч байгаль орчныг хамгаалагчид нь ийм бодлогыг хөгжиж буй улс орнуудыг нүүрс идэвхтэй хэрэглэг, хүрээлэн буй орчныг илүүтэй бохирдуулахыг хөөргөн дэмжиж байна гэж шүүмжилсэн. Иймд одоогоос Япон нь тоногт төхөөрөмжийг нь импортлох сонирхолтой улс нь нүүрстөрөгчийн хаягдлаа багасгах стратеги боловсруулсан тохиолдолд л хамгийн орчин үеийн, эрчим хүч хэмнэлттэй цахилган үүсгүүрүүдээ экспортолж байхаар болсон байна.