Толгойгоороо нийлсэн ихрүүдийг салгах мэс засал амжилттай болжээ

Толгойгоороо нийлж төрсөн ихрүүдийг салгах маш нарийн мэс заслыг Ром хотын хүүхдийн эмнэлгийн эмч нар амжилттай хийсэн тухай “WPVI-TV” мэдээлсэн байна. Ихрүүд толгойгоороо хийлж төрөх нь хоёр сая төрөлтөд ганц удаа тардаг тун ховор байдгийн дээр Эрвина ба Префина гэх хоёр ихрийн амин чухал судаснууд нь дундынх байсан нь байдлыг улам хүнд болгосон байжээ.

Энэ хоёр ихэр нь 2018 оны зургаадугаар сард Төв Африкийн Бүгд найрамдах улсад төрсөн юм байна. Охидын төрсний дараагаар Ромын католик сүмийн мэдлийн эмнэлэгт хүргэн тусгай эмчилгээ, арчилгаа үзүүлж эхэлсэн байна. Улмаар энэ сарын 5-нд гурав дах удаагийн хагалгаанд орсон амжилттай болжээ.

Мэс засал хийсэн эмчийн хэлж байгаагаар ихрүүдийг эсэн мэнд салгах мэс засал хийхийн тулд хоёр жилийн турш бэлтгэл ажил хийсэн. Мэс засал амжилттай болсон тул охид нөхөн сэргээх эмчилгээний дараагаар бусад хүүхдийн адил хэвийн амьдралд эргэн орж болно гэжээ.

Ихрүүдийн ээж ЭрминеНзотто нь сэтгүүлчидтэй уулзахдаа хэзээ ч сургуульд сурч байгаагүй гэдгээ хэлээд, охид нь одоо хэвийн өсөж, бойжих боломжтой болсон тул сургуульд сурч боловсрол эзэмшээд олон хүүхдийн амийг аварсан эмч болоосой гэж хүсэж байгаагаа хэлсэн байна. Төв Африкийн Бүгд найрамдах улс нь байгалийн асар их баялагтай ч дэлхийн хамгийн ядуу гэгддэг улс орны нэг.