Дэлхийд халдвар авсан хүний тоо 12 саяыг даваад байна

Халдварын анхны тохиолдлын талаар Хятад улс өнгөрсөн нэгдүгээр сарын эхээр мэдээлснээс хойш 149 хоногийн дараа халдвар авсан хүний тоо зургаан саяд хүрчээ. Харин түүнээс хойш халдварын тохиолдлын тоо 12 саяд хүрч, хоёр дахин нэмэгдэхэд ердөө 39 хоногийн хугацаа зарцуулагджээ.

Өнөөдрийн байдлаар халдварын улмаас 546 мянга гаруй хүн нас барсан нь дэлхий даяар томуугийн улмаас жилд нас бардаг хүний тоотой ойролцоо хэмжээ юм. Халдвараар нас барсан анхны тохиолдол Хятадын Ухань хотод нэгдүгээр сарын 10-нд бүртгэгдсэн бөгөөд түүнээс хойш Европт дараа нь АНУ-д халдварын тохиолдол, нас барсан хүний тоо огцом нэмэгдсэн юм.