Венесуэлд Америкт бүртгэлтэй онгоцыг буудаж унагажээ

Венесуэлийн зэвсэгт хүчний удирдлагаас улсынх нь агаарын хилийг зөрчсөн АНУ-д бүртгэлтэй онгоцыг улсынхаа хуулийн дагуу сөнөөсөн тухайгаа Twitter –ээр мэдээлсэн байна. Мэдээг дагуулсан онгоцны үлдэгдлийн зургаар нь “Flightradar” сайтынхан хувь хүний эзэмшилд байдаг Hawker 800 гэж тогтоосон байна. Онгоцны сүүл хэсэгт үлдсэн N339AV гэсэн дугаараар нь хэрэг гарахын өмнө энэ онгоцыг Мексикийн нутаг дээр нислэг үйлдэж байсныг мөн тогтоожээ. Ямар ч ачаа тээж явсан онгоцыг сөнөөсөн тухай мэдээлээгүй ч онгоцтой холбоотой ийм хэрэг дийлэнхдээ хар тамхины хууль бус наймаатай холбоотой байдаг. Унасантай адил загварын ашиглагдаж байсан онгоц зах зээл дээр 2 сая орчим долларын үнэтэй бөгөөд нэг нислэгээр 900 кг ачаа тээвэрлэх боломжтой. Гэтэл АНУ-ын зэх зээл дээр 1 грамм кокаин хар тамхины үнэ 150-200 доллар хүрээд байгаа аж.

Энэ хэргээс сарын өмнө Венесуэлийн цэргийнхэн улсынх нь баруун мужид бас нэг онгоц сөнөөж байсан юм байна.

Венесуэл нь 2013 онд газар нутаг дээгүүр нь нислэг үйлдэж буй хар тамхины мафитай холбоотой хууль бус дурын онгоцыг устгах хууль баталсан нь энэ мэтээр хэрэгжүүлдэг аж.