Өлсгөлөнд нэрвэгдсэн Зимбабве сайд дарга нартаа тансаг зэрэглэлийн жийп машин бэлэглэжээ

Зимбабве улс эдийн засаг, санхүүгийн маш хүнд байдалд ороод байгаа ч Засгийн газар нь өндөр албан тушаалтнуудын хэрэгцээнд зориулж, олон арван сая доллароор тансаг жийп машин авч өгсөн тухай “theguardian” мэдээлж байна.

 Тус бүр нь 40 мянган доллар давж гаран үнэтэй “Range Rover”, “Toyota pick-up trucks” машинуудыг армийн ахлах офицерууд, Гадаад харилцааны яам болон Эрүүл мэндийн яамны өндөр албан тушаалтнуудад хуваарилан өгсөн байна.

Улс орных нь жилийн инфляцийн хэмжээ 785 хувь болж, сарын 30 долларын цалинтай 4,5 сая иргэд нь өлсгөлөнд нэрвэгдээд байгаа ийм хүнд үед эрх баригчид олон арван сая доллароор жийп машин худалдан авч, өндөр албан тушаалтнуудад тарааж байгаа нь олны дургүйцлийг төрүүлж байгаа ч сөрөг хүчин нь өөрсдөө авлигын хэрэгт холбогдон дотроо хагаралдаж, нэр хүндгүй болсны улмаас Засгийн газраа эсэргүүцэж чадахгүй болжээ.

“Алдарт” РобертМугабе-г 2017 онд унаган гарч ирсэн шинэ Ерөнхийлөгч ЭммерсонМнангагва нь тансаг машин өндөр албан тушаалтнуудад бэлэглэх замаар Засгийн газраа дэмжлэгийг бэхжүүлж байна гэж шинжээчид үзсэн байна.