АНУ Өмнөд Хятадын тэнгист томоохон хэмжээний хээрийн сургууль хийж байна

АНУ-ын Номхон далайн командлал нь Өмнөд Хятадын тэнгист “Nimitz”, “Ronald Reagan” гэсэн нисэх онгоц тээгчид ба B-52 Stratofortress стратегийн бөмбөгдөгч оролцсон томоохон хэмжээний хээрийн сургууль хийсэн тухайгаа мэдэгджээ.

 Шинжээчид нь энэ хээрийн сургуулийг Параселийн арлуудын орчим Хятадын тэнгисийн цэргийн хүчний явуулсан хээрийн сургуулийн хариу боллоо гэж үзсэн байна. Вьетнам, Малайз, Филиппин, Бруней зэрэг улсууд өөрийн нутаг гэж булаацалддаг Параселийн арлуудын орчим БНХАУ нь долоодугаар сарын 1-ээс 5-ны хооронд томоохон хэмжээний хээрийн сургууль явуулсан юм. 

Хятад маргаантай арлуудын орчим хээрийн сургууль хийж байгааг АНУ сэтгэл зовниж байгаагаа илэрхийлж байсан ч өөрсдийн хээрийн сургуулийг Бээжинд хариу барьж байгаа хэрэг огт биш, тус бүс нутагт АНУ-ын Тэнгисийн цэргийн хүч байх шаардлагатайг харуулсан явдал гэжээ.

БНХАУ нь Америкийн хээрийн сургуулийг хүчээр сүрдүүлж, бүс нутгийн улс орнууд хоорондын харилцаанд сэв суулгах, Өмнөд Хятадын тэнгист энх тайван, тогтвортой байдлыг алдагдуулж магадгүй үйлдэл гэж тодорхойлсон байна. Мөн маргаантай гэгдсэн Параселийн арлуудыг “Хятадын уугуул газар нутаг тул энэ талаар ямар ч маргаан, үйл ойлголцол байхгүй” гэсэн байна.