Нийгмийн хамгаалал, хөдөлмөрийн сайдаар дэвшүүлсэн А.Ариунзаяа гэж хэн бэ?

Хөдөлмөр нийгмийн хамгааллын сайдад дэвшүүлж буй А.Ариунзаяа гэж хэн бэ?

А.Ариунзаяа нь 2015 онд Үндэсний статистикийн хорооны даргаар томилогдон өнөөг хүртэл ажиллаж байгаа. Тэрбээр Герман улсад нийгэм судлал, улс төр, түүхийн чиг­лэлээр суралцаж, магистр хам­гаалсан. Мөн Ази, Америк, Номхон далайн орнуудын Үндэсний тооллого, статистикийн байгууллагын дарга нарын нийгэмлэгийн 2018-2020 оны ерөнхийлөгчөөр сонгогджээ.

1996-1999 онд Москвагийн Олон улсын харилцааны их сургууль, ХБНГУ-д коллеж төгсөж, 1999-2005 онд ХБНГУ-ын Хановерийн их сургуульд улс төр, нийгэм, түүх судлалаар мастер, 2014-2015 онд Удирдлагын академид төрийн захиргааны менежментээр магистрын зэрэг хамгаалжээ. 2005-2013 онд “Монгол даатгал” компанид хүний нөөц, даатгалын менежер, 2013 оноос МАН-д Намын байгуулалт, стратеги, төлөвлөлтийн газрын дарга, Эдийн засгийн хөгжлийн бодлогын газрын дарга, Нийгэм, эдийн засгийн бодлогын даргаар тус тус ажилласан туршлагатай нэгэн.