Барилга хот байгуулалтын сайдаар нэрийг нь дэвшүүлсэн Б.Мөнхбаатар гэж хэн бэ?

Барилга хот байгуулалтын сайдаар нэрийг нь дэвшүүлсэн Б.Мөнхбаатарыг танилцуулж  байна.

Б.Мөнхбаатар 1975 онд Улаанбаатарт төрсөн бөгөөд эцэг, эх нь Говь-Алтайн гаралтай ч Төв аймагт өсч өндийсөн. Тэрээр 1993 онд Шинжлэх ухаан технологийн их сургуульд элсэн хими технологич мэргэжлээр төгссөн байна. Мөн МУИС-ийн Нийгмийн шинжлэх ухааны сургуулийн Улс төр судлалын анги, Хуульзүйн сургуулийг дүүргэж, 2004-2006 онд Зүүн Лондонгийн их сургуулийн Бизнесийн сургуульд Бизнесийн удирдлагын магистр хамгаалсан байна. 2008 онд Баянзүрх дүүргийн Засаг даргаар,  Боловсрол Соёл Шинжлэх Ухааны яамны төрийн захиргаа хамтын ажиллагааны газрын орлогч дарга, БСШУЯ-ны гадаад харилцааны хэлтсийн дарга, 2009 онд Нийслэлийн МАН-ын хорооны дарга, нийслэлийн засаг даргын Барилга, хот байгуулалт, дэд бүтэц хариуцсан орлогч даргаар тус тус ажиллаж байсан туршлагатай юм байна.