Буриадад ураны олборлолт эхлүүлнэ

Оросын “РОСАТОМ” төрийн өмчит корпорацын мэдэлд байдаг “Хиагда” уулын компани Буриад улсын Дыбрын дах ураны орд газар олборлолт эхлүүлэх зөвшөөрөл авсан тухай “РИАНовости” мэдээлж байна. Дыбрын орд газар нь Буриад улсын Баунтын районд байдаг.  Дэд бүтэц барих, уурхайн бэлтгэл ажлыг 2022 онд хийж, 2023 оноос олборлолтыг эхлүүлэх гэж “Хиагда” компани мэдэгджээ.

“Хиагда” компани нь Буриад улсад Хиагд ба Истоный гэсэн хоёр өөр газар уран олборлож байгаа. Мөн Вершинное гэдэг өөр нэг хэсэгт уран олборлох ажлыг энэ оны хоёрдугаар хагаст эхлүүлнэ. Үүнээс гадна энэ онд багтаад Колчикины орд газар олборлолт хийж эхлэх аж.

Ураныг цоног ашиглан газар доор уусгах аргаар олборлох тул байгаль орчинд хоргүй гэж компанийн зүгээс тайлбарласан байна.