Н.Номтойбаяр нарт холбогдох шүүх хурал Даваа гариг хүртэл хойшлов

УИХ-ын гишүүн Н.Номтойбаярт холбогдох хэргийн шүүх хурал хоёр дахь өдрөө үргэлжилж байгаа талаар бид өмнө нь мэдээлсэн. Тэгвэл уг шүүх хурал дахин Даваа гарагт үргэлжлэхээр боллоо. Шүүгдэгч Н.Номтойбаяр нь өмгөөлөгчгүй шүүгдэж байгаа юм. Тодруулбал шинэ өмгөөлөгч нь хэргийн материалтайгаа танилцах хугацаа олгож шүүх хуралдааныг хойшлуулах хүсэлт өгсөн ч шүүхээс хүсэлтийг ханган шийдвэрлээгүй билээ. Өөрөөр хэлбэл шүүх хуралдааныг үргэлжлүүлэн явуулснаар Н.Номтойбаярын өмгөөлөгч шүүх танхимыг орхин гарсан юм.