УИХ, ЗГ-ын гишүүдийг наадмын талбайд оруулахгүй

Баяр наадмын талбайд үзэгчийг нэвтрүүлэхгүй гэх мэдээлэлд иргэд бухимдалтай хандаж дээдсийн наадам болох нь гэсэн шүүмжлэл өрнөөд байсан билээ. Тэгвэл наадам болох 13-р зуун цогцолборт иргэд, төрийн өндөр албан тушаалтнуудын хэнийг ч нэвтрүүлэхгүй болохыг Засгийн газрын Хэвлэл мэдээлэл олон нийттэй харилцах хэлтсээс мэдэгдсэн байна.  Харин баяр наадмыг зохион байгуулагчид, бөхчүүд, сур, шагайн харваачид болон тодорхой тооны зөвшөөрөлтэй хүмүүс л наадмын талбайд орох юм байна. Мөн маш цөөн тооны хэвлэл буюу шууд дамжуулалт хийх телевизийн техникийн ажилтнууд болон тодорхой тооны гэрэл зурагчдыг оруулна гэсэн мэдээлэл бий.