Баян-Өлгий аймагт МАН, АН-ыг дэмжигч залуус хоорондоо маргаж нэгийгээ хүнд гэмтээжээ

Сонгуулийн үр дүнгээс үүдэж Баян-Өлгий аймагт АН, МАН-ыг дэмжигч залуучууд маргаж нэг нэгийгээ хутгалж гэмтээжээ.

2020 оны 6-р сарын 25-нд шөнийн 03-04 цагийн орчимд хүн хутгалууллаа гэх дуудлага Баян-Өлгий аймгийн Цагдаагийн газарт ирсэн байна.

Дуудлагаар очиход иргэн Н.Е нь Ж-г хоолой, уушиг тус газарт хутгалж гэмтээжээ. Зодооныг салгах гэсэн Ж-гийн төрсөн дүү Б-г нь мөн гэмтээсэн байна. Согтуугаар танхайрч, бусдыг хүнд гэмтээсэн Н.Е-г цагдаагийн байгууллагаас саатуулж, эрүүгийн хэрэг үүсгэн шалгаж байгаа аж. 

Харин түүнд хутгалуулсан Ж-д тус аймгаас сонгогдсон Б.Бэйсэн эмч хагалгаа хийжээ. Тэрбээр биеийн байдал нь хүнд, өнөөдөр Улаанбаатар хотод авч ирж байгаа аж. Харин бусдыг гэмтээсэн Н.Е нь 2017, 2019 оны Пауэрлифтингийн аварга бөгөөд тус аймагт МАН-аас нэр дэвшигчийн бие хамгаалагчаар ажиллаж байсан аж.