Сэрэмжлүүлэг: Машин доторх газ дэлбэрч хоёр хүн бэртжээ

Суудлын автомашинд ахуйн хэрэглээний газ дэлбэрсний улмаас дотор нь байсан хоёр хүн бэртэж эмнэлэгт хүргэгджээ.

Тодруулбал, Сонгинохайрхан дүүргийн 29 дүгээр хороо, “Москва хороолол”-ын 9 дүгээр байрны автомашины зогсоол суудлын автомашин дэлбэрсэн тухай мэдээллийг өчигдөр өдрийн 20:05 цагт хүлээн авчээ.

Тус дүүргийн Онцгой байдлын хэлтсийн Гал түймрийн улсын хяналтын байцаагч  21:00 цагт очиход иргэн А-ын эзэмшлийн “Сай” загварын суудлын автомашин дотор ахуйн хэрэглээний 220 граммын савалгаатай газ дэлбэрч автомашин дотор байсан иргэн 20 настай, эрэгтэй Н, 18 настай, эрэгтэй М  нар түлэгдэж бэртсэнийг нийслэлийн ЯТТТ-өөс ГССҮТөвд хүргэжээ. Автомашиныг тус дүүргийн Цагдаагийн 3 дугаар хэлтэст хүлээлгэн өгчээ.