АНУ-д цар тахлаар Монгол иргэн амиа алджээ

Монгол Улсын иргэн АНУ-д Covid-19-ийн халдвараар өвчилж, нас барсан харамсалтай тохиолдол гарсан байна. Талийгаач иргэн АНУ-ын эмнэлэгт 20 гаруй хоног эмчлүүлж байгаад зургадугаар сарын 4-нд нас барсан бөгөөд одоо эхнэр, хүүхэд нь коронавирусийн халдвар авч, гэрээр эмчлүүлж байгаа аж. АНУ-д ажиллаж, амьдарч буй монголчууд энэхүү гэр бүлд туслахаар хандивийн аян өрнүүлээд эхэлсэн байна. Тухайн иргэн нь 65 настай байсан бөгөөд АНУ-д эхнэр, 21 настай хүүгийнхээ хамтзургаан жил хэртэй амьдарч байжээ. Одоогоор Эхнэр, хүү хоёр нь коронавирусийн халдвар авсан. Тэдний биеийн байдал хүндэвтэр байгаа аж. АНУ-д эмнэлгийн зардал нэлээд өндөр бөгөөд үүнээс гадна талийгаачийг нутаглуулж, чандарлах зардлыг ар гэрээс нь гаргуулах учраас тэрхүү өндөр төлбөрийг барагдуулах зорилгоор хандивын аян өрнүүлж байгаа юм.