​Өнөөдөр Н.Номтойбаярыг суллах эсэхийг шийднэ

УИХ-ын сонгуулийн 29–р тойрог буюу Хан-Уул дүүрэгт бие даан нэр дэвшигч Н.Номтойбаяр нарт холбогдох хэргийг өнөөдөр  14.00 цагт Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд хэлэлцэнэ.

Түүнийг өнгөрсөн тавдугаар сарын 28-ны өдөр Чингэлтэй дүүргийн Эрүүгийн хэргийн анхан шатны шүүхээс урьдчилан хорих 461-р ангид саатуулах шийдвэр гарч дараагийн шатны шүүх хурлын товыг энэ сарын 26-ны өдөр зарлаад байсан юм.  Н.Номтойбаярыг мөрдөн байцаалтад саад учруулж, мөрдөгчийг дарамталсан гэх баримтад үндэслэн шүүх шийдвэр гаргасан байдаг. Гэтэл  шүүхээс түүнийг шүүх хурлын товоо наашлуулж олон нийтэд нээлттэй хийхээр болсон нь энэ юм.

Шүүхээс Н.Номтобаярыг хорих шийдвэр гаргасан ч Сонгуулийн ерөнхий хорооноос түүнийг нэр дэвшигчээр батламжилж, үнэмлэхийг нь түүний аав Б.Нямтайшир авч, сонгуулийн сурталчилгааны ажлыг нь явуулж байна.