Таван залуу гэр бүл байшинтай болохоор гэрээгээ байгуулав

Дархан-Уул аймаг 2020 оныг Залуучуудын хөгжлийг дэмжих жил болгон зарласантай холбогдуулан Аймгийн Засаг дарга түүний тамгын газар, Гэр бүл хүүхэд залуучуудын хөгжлийн газар, Дэлхийн Зөн Дархан “Хүүхдийн төлөөх орон нутаг” төсөлтөй хамтран залуу гэр бүлүүдэд үл хөдлөх хөрөнгө болох “БАЙШИН” төслийг эхлүүлж өнөөдөр 3 талт хамтарсан гэрээ байгууллаа.

Нийт 32 иргэний материал ирүүлсэнээс 3 үе шаттайгаар сонгон шалгаруулалтыг хийж гэрээр айлчилж нөхцөл байдлын үнэлгээ хийсний үр дүнд дараах 5 өрхийг сонгосон байна. Үүнд: 15 дугаар багийн иргэн Б.Болдбаатарын гэр бүл, 15 дугаар багийн иргэн Д.Оюун-Эрдэнийн гэр бүл, 3 дугаар багийн иргэн У.Даваагийн гэр бүл, 7 дугаар багийн иргэн Б.Ууганболорын гэр бүл, 8 дугаар багийн иргэн С.Ганхөлөгийн гэр бүлүүд сонгогдсон байна.

Иргэд өөрсдөө байшингаа барих бөгөөд Аймгийн ЗДТГ-аас нэгдсэн инженер арга зүйн дэмжлэг үзүүлэн ажиллана.

Байшинг графикийн дагуу нэг сарын хугацаанд барьж ашиглалтад өгөх бөгөөд өрхүүд хашаагаа хүүхдэд ээлтэй байдлаар тохижуулна гэсэн шаардлагыг төсөл хэрэгжүүлэгчийн зүгээс тавьж байгаа юм.