Халдвар авсан ажилчдын хувцаснаас коронавирус илэрчээ

Солонгосын Бүчонд байрлах Coupang барааны төвийн 80 гаруй ажилчин халдвар аваад байна. Хамгийн эхний халдвар авсан ажилтан энэ сарын 25-ны өдөр бүртгэгдсэн бөгөөд хэдэн өдөр дараалан халдвар бүрдгэгдээгүй байсан Солонгос Улсад дахин халдварын шинэ голомт үүсээд байгаа юм. Тус барааны төв нь 1300 гаруй ажилчинтай бөгөөд ажилчид зай барих, маск зүүх дүрмийг төдийлөн сайн хэрэгжүүлж чадаагүйн улмаас олноороо халдвар авсан хэмээн таамаглаж байгааа ажэ. Өвчинд хяналт тавих, урьдчилан сэргийлэх төвийн дарга Гвон Жүн Үг хэлэхдээ “Тус барааны төвийн ажилчдын малгай, ажлын хувцас, гутал зэргээс сорьц авч шинжлэхэд коронавирус илэрсэн” гэжээ. Одоогоор халдвар авсан иргэдийн явсан маршрут болон ойрын хавьтал зэргийг судалж байгаа бөгөөд цаашид халдвар авсан иргэдийн тоо нэмэгдэх хандлагатай байгаа ажээ.