Усанд живж нас барсан дөрвөн хүүхдийн хоёр нь нэг айлын 14,11 настай хүүхдүүд байжээ

Иргэн Э-гээс 2020 оны 05 дугаар сарын 27-ны өдөр 17 цаг 00 минутад ”Хиймэл нуурт хүн живсэн байна” гэх мэдээлэл цагдаагийн байгууллагад иржээ.

Дээрх газар нь “Үндэсний цэцэрлэгт хүрээлэн” ОНӨҮГ-т Нийслэлийн засаг даргын 2014 оны 04 дүгээр сарын 04-ний өдрийн А/234 дугаар шийдвэрээр цэцэрлэгт хүрээлэнгийн зориулалтаар эзэмшүүлсэн 18648308323693 нэгж талбарын дугаартай, 9732945 метр квадрат газарт хамаарах бөгөөд хиймэл нуурын байх 3,36 га газрыг 2014 оны 07 дугаар сарын 18, 2019 оны 07 дугаар сарын 28-ны өдрүүдэд байгуулсан “Өөрийн эзэмшлийн газрын зарим хэсгийг аж ахуйн нэгжид ашиглуулах” гэрээгээр “Хан талст” ХХК-д шилжүүлэн өгч “Наран Шарлагын цогцолбор” бариулахаар бүтээн байгуулалтын ажил явагдаж байсан байна.

Хэргийн газрын үзлэгт Нийслэлийн мэргэжлийн хяналтын газар, Онцгой байдлын аврах анги, цагдаагийн байгууллагын алба хаагчид оролцож живсэн хүүхдүүдийн цогцсыг хоё  цагийн турш нуурын гүнээс эрэн хайж олж хэн болохыг тогтоожээ.

Талийгаач хүүхдүүд бүгд эрэгтэй байсан бөгөөд нэг айлын ах, дүү нар байжээ. 14 настай Б, 11 настай О,  10 настай Г, 15  настай Б нар харамсалтайгаар амь насаа алдсан байна. Тухайн хүүхдүүд 61 дүгээр сургуулийн 6-9 дүгээр ангийн сурагчид байжээ.