УОК: Хөл хориог 6-р сарын 30 хүртэл сунгах санал гаргасныг хэлэлцэж, шийдвэр гаргана

Вирусийн улмаас дэлхийн улс орнууд хилээ хааж, энэ шийдвэрээ сунгасаар байна. Манай хөрш орон, ялангуяа ОХУ-д байдал хүнд байна. 335 800 хүн халдвар авсан байна. Буриад улсад 1124 хүн халдвартай бүртгэгдсэн. Эрхүүд 958 тохиолдол бүртгэгджээ. БНХАУ-д 05.10-ны өдөр вирусийн халдвар дахин бүртгэгдэж эхэлсэн. Тиймээс дахин хөл хорио тогтоож байна. Эрдэмтдийн судалгаагаар, шинж тэмдэггүй хүн халдвар тарааж байна. Мөн тухайн вирус амьтнаас амьтанд, хүнд халдаж байна. Халдвар цаг агаарын нөхцөлөөс үл шалтгаалж, хаа сайгүй тархаж байна.

Вирусээр өвчилж, эдгээд гарсан ч дахин өвдөх тохиолдол дэлхийд олон гарч байна. 05.21-ний өдөр ЭМЯ үнэлгээг найм дахь удаагаа хийхэд “маш өндөр эрсдэлтэй” гэсэн дүгнэлт гарлаа. Тиймээс өндөржүүлсэн бэлэн байдлын дэглэмийг 06.30-ныг дуустал сунгахаар УОК-ийн хурлаар хэлэлцэх гэж байна.