Б.Махбал хохирол төлбөр төлөх тав хоногийн завсарлага хүсчээ

Зам, тээврийн хөгжлийн яамны байранд 2018 оны наймдугаар сарын 9-ний өдөр хүн амины хэрэг гарч, ЗТХЯ-ны Хяналт шинжилгээ, үнэлгээ, дотоод аудитын газрын дарга Т.Гомбосүрэн амь насаа алдсан байдаг. Энэхүү хэргийн шүүх хурал өнгөрсөн хугацаанд найман удаа хойшлогдож байсан юм. 

Харин Сүхбаатар дүүргийн эрүүгийн хэргийн анхан шатны шүүхэд шүүгдэгч Б.Махбалд холбогдох эрүүгийн хэргийн гэм буруугийн шүүх хуралдаан энэ сарын 8-нд эхэлсэн. Шүүх хуралдаанд шүүгдэгчийн өмгөөлөгч нараас хохирол төлбөр төлөх тав хоногийн завсарлага авах хүсэлт гаргасан байна. Шүүх уг хүсэлтийг хүлээн авч дараагийн шүүх хуралдааныг энэ сарын 15-ны өдрийн 08:30 цаг хүртэл хойшлуулсан байна.