УОК-ын өнөөдрийн хурлаар баар, цэнгээний газруудын асуудлыг хэлэлцэж, хааж магадгүй

Нийслэлд үйл ажиллагаа явуулдаг баар цэнгээний газрууд, караокенуудыг нээх шийдвэрийг хотын дарга С.Амарсайхан гаргасан. Уг шийдвэр гарснаар тухайн газруудад иргэдийн бөөгнөрөл үүсэж, эрсдэл үүссэн. Мөн иргэдийн зүгээс хүчтэй шүүмжлэлтэй тулгарсан юм.  Өнөөдөр Улсын Онцгой комисс үдээс хойш хуралдахаар товлосон байна. Уг хурлаар нийслэлийн удирдлагуудыг цэнгээний газруудтай холбоотой гаргасан шийдвэр, нөхцөл байдлын мэдээллээ оруулж ирж, хэлэлцүүлэх үүрэг өгсөн байна. Эх сурвалжийн мэдээллээр уг асуудлыг УОК-ын хурлаар хэлэлцэн, цэнгээний газруудын үйл ажиллагааг зогсоох шийдвэр гарч магадгүй байна.