Казино тоглосон гишүүдийн бичлэг “зарагдахгүй” 270-20 саяд “буужээ”

УИХ-ын нэр бүхий гишүүдийн гадаад оронд казино тоглож байгаа бичлэг нь байгаа бөгөөд уг бичлэгийг хадгалж буй “эзэн” түүнийгээ зарахаар улстөрчид болоод зарим хэвлэл мэдээллийн хэрэгсэлд санал тавьж яваа юм байна.
Бичлэгийн үнэ 270 сая төгрөгөөс “дуудагдсан” бөгөөд аажимдаа, 150 сая, 100 сая, 80 сая, 40 сая гэгчлэн буурсаар хамгийн сүүлийн мэдээллээр 20 саяд зарахаар “санал тавьж” яваа аж.
Уг бичлэг нь гурван минут орчим үргэлжлэх бөгөөд бичлэгт УИХ-ын нэр бүхий гурван гишүүн малгайгаа буруу харуулан өмсөж, тоглож байгаа нь дүрс бичлэгт бүдэг харагддаг.