Хятадад коронавирусийн 99 шинэ тохиолдол бүртгэгдсэний 72 Оросоос ирсэн хүмүүс байжээ

Өнгөрсөн өнгөрсөн хоногт Хятадад коронавирусийн 99 шинэ тохиолдолд бүртгэгдсэн тухай Хятадын ариун цэвэр эрүүл мэндийн улс хороо мэдэгдсэн байна. Эдгээрээс 97 нь хилийн чанадаас ирсэн хүмүүс бол ердөө хоёр нь дотоодоос халдвар авсан байна. Гадаадаас орж ирсэн эдгээр тохиолдлын 72 нь ОХУ-аас ирсэн хятад иргэд байсан байна.

Үүнээс гадна 48 хүнийг сэжигтэйд тооцон тусгаарлаад байгаа бөгөөд тэд бүгд хилийн чанадаас ирсэн хүмүүс аж. Халдвар голомт гэгдсэн Хубэй муж ба Ухань хотод ганц ч шинэ тохиолдол бүртгэгдээгүй байна.

Хилийн чанадаас ирсэн иргэдээс нийт 1280 хүнээс  Covid-19-ийн халдвар илрүүлээд байгаа юм байнга. Тэдний 799 нь эмчилгээ хийлгэж байгаа бол 481 нь эдгэрч эмнэлгээс гарчээ.

Өнгөрсөн хоногийн дотор Хятадад коронавирусийн халдвартай холбоотой нас барсан нэг ч тохиолдол бүртгэгдээгүй байна. Манай урд хөршид өвчин анх бүртгэгдсэн цагаас хойш нийт 82 мянга 52 хүн өвдсөнийг албан ёсоор бүртгэсэн. Эднээс 3339 хүн өвчнөө даалгүй нас барсан бол 77 мянга 575 хүн эдгэрсэн. Одоогоор Хятадын эмнэлгүүдэд Covid-19 гэсэн оноштой 1138 хүн хэвтэн эмчлүүлж байгаагаас 139 нь хүнд байгаа аж.