Өмнөд Солонгост Covid-19-өөс эдгэрсэн 91 хүний давтан шинжилгээ эерэг гарчээ

Өмнөд Солонгост шинэ коронавирусийн халдвар авч өвдөөд эдгэрсэн олон хүнд давтан шинжилгээ хийхэд Covid-19-ийг үүсгэгч вирус илэрсэн тухай Yonhap агентлаг дөрөвдүгээр сарын 10-нд мэдээлжээ. Гэхдээ эдгээр хүмүүс давтан халдвар авсан эсвэл хуучин халдвар нь далд хэлбэрт шилжсэн байгаад ахиж идэвхэжсэний аль нь болохыг тогтоож чадаагүй байгаа гэж байна. Мэргэжилтнүүдийн дийлэнх нь давтан халдвар авсан хүмүүсийн хуучин халдвар нь гүйцэд дарагдаагүй байгаа идэвхэжсэн гэдгийг магадлалтай гэж үзэж байгаа аж. Учир нь, давтан халдвар авсан хүмүүс нь карантинаас гараад хэдхэн хонож байгаа аж.

Одоо Өмнөд Солонгосын мэргэжилтнүүд эдгээр хүмүүсээс коронавирусийн эсрэг биетийг илрүүлэх шинжилгээ хийх аж. Вирусийн эсрэг биет бүхий өвчтөн нь бусдад халдвар тараадаггүй гэж таамаглаж байгаа учир ийм шинжилгээ хийхээр болжээ.

Өмнөд Солонгост сүүлийн мэдээгээр 10 мянга 423 хүн коронавирусийн өвчнөөр өвдөж, 6973 хүн эдгэрч, 204 хүн нас бараад байгаа аж.