​ Тагнуулын хурандаа нарын зодооныг шалгаагүй гэж БЗД-ийн цагдаагийн хэлтсийнхэнд арга хэмжээ авчээ

Өнгөрсөн сарын 18-ны өдөр буюу Цэргийн баярын өдөр ТЕГ-ын Хэлтсийн дарга, Хурандаа н.Давааням, хурандаа Ж.Төгс-Очир нар бусадтай нийлэн цэргийн баярыг нижгэр тэмдэглэж байгаад зодолдож, нэгнийгээ гэмтээсэн бичлэгийг бид дэлгэсэн.
Тодруулбал, хурандаа Давааням гэгч нь хамт байсан Сүхбаатар дүүргийн Татварын хэлтсийн Тасгийн дарга н.Ганбаатарт агсам тавьж улмаар ууж байсан архины шилээр толгойн тус газарт нь цохисноор Ганбаатар хүнд гэмтэл авч, Гэмтэл согог судлалын үндэсний төв эмнэлэгт хүргэгдсэн байна. 

Энэ хэрэг “Энканто Булл”-ын VIP өрөөнд болсон. Энэ хэргийг үйлдсэн н.Давааням нь өнөөдрийн байдлаар хариуцлага хүлээгээгүй байгаа аж. Харин Тагнуулын хурандаа нарын хэргийг шалгаж илрүүлэх үүрэгтэй БЗД-ийн Цагдаагийн хэлтсийн удирдлагууд болон албан хаагч нарын 4 хүнд албан ажилдаа хайнга хандсан гэдгээр ЦЕГ-аас хариуцлага тооцжээ. 

Тодруулбал БЗД-ийн Цагдаагийн хэлтсийн дарга Дамбийням, тус дүүргийн цагдаагийн нэгдүгээр хэлтсийн дарга Б.Ариунжаргал нарт хариуцлага тооцож цалингийн хэмжээг гурван сарын турш бууруулах арга хэмжээ авчээ. Хэрэг хийсэн нь хариуцлага хүлээгээгүй, харин хэргийг илрүүлээгүй гэдгээр холбогдох цагдаагийн албан хаагчид жавтий хүртсэн байна.