Токиогийн нислэгээр ирсэн гадаад иргэд хэн бэ

Улсын Онцгой комиссын Шуурхай штабаас мэдээлэл хийлээ. 

ОБЕГ-ын дэд дарга Б.Ууганбаяр: Токиогоос ирсэн хүмүүсийг тусгаарласан. Ингэхдээ ХӨСҮТ-д 68 хүн,  Цэргийн төв эмнэлэгт 15 хүн, Жаргалант сувилалд хоёр, Тоёока зочид буудалд 188 хүн, нийт 273 иргэнийг тусгаарлаад байна.   

Одоогийн байдлаар 0-5 настай 69, 6-17 настай 153 хүүхэд тусгаарлах байранд, нийт 2099 хүн тусгаарлах байранд байна. 955 хүнийг өнгөрсөн 5 хоногт тусгаарлах байрнаас гаргасан. Өнөөдөр 455 хүн тусгаарлах байрнаас гарч байна. Гэрийн хяналтад авна.

ГХЯ-ны Консулын газрын дарга Л.Мөнхтүшиг: Дэлхийн 85 орноос 6313 иргэн эх орондоо ирэхээр хүсэлтээ ирүүлээд байна. Токиогийн нислэгээр гадаад иргэд ирсэн гэх ташаа мэдээлэл гарсан. 

УОК-ийн хуралдаанаар МУ-д ирэх боломжтой гадаад иргэдийг тодорхойлсон.

• МУ-д үйл ажиллагаа явуулж байгаа дипломат төлөөлөгчдийн гэр бүл
• МУ-ын иргэнтэй гэр бүл болсон, МУ-д байнга оршин суудаг иргэд МУ-д ирж болохоор заасан.  Энэ дагуу гадаад улсын иргэд ирсэн. Тодруулбал, Япон улсын хоёр, Испанийн нэг, АНУ-ын нэг иргэн байна.