Арилжааны банкууд төрөөс 600 тэрбум төгрөгийн дотаци хүсчээ

УИХ-ын дарга Г.Занданшатар арилжааны банкуудын захирлуудтай өнөөдөр Төрийн ордонд уулзсан. 

Энэ удаагийн уулзалт  тодорхой үр дүнд хүрээгүй аж. Учир нь арилжааны банкуудын зүгээс иргэд, аж ахуйн нэгжийн зээлийг бүгдийг нь гурван сараар хойшлуулах боломжгүй, тийм мөнгөний эх үүсвэр байхгүй гэдгээ тайлбарлажээ.

Өнөөдрийн байдлаар арилжааны банкуудын зээл олголт үндсэндээ зогсонги байдалтай байгаа юм. УИХ-ын даргын зүгээс зээлээ хэвийн хэмжээнд олгох хүсэлтийг тавьсан. "Хаанбанк"-ны  хувьд зээлийн зориулалтаар нэг их наяд төгрөг гаргах боломж бий ч найдвартай зээлдэгч хомс байгаа талаар дурдсан байна.  Монголын банкуудын холбооны зүгээс арилжааны банкуудад 600 тэрбум төгрөгийн эх үүсвэрийг шийдэж өгвөл нэн хөнгөлөлттэй нөхцлөөр жижиг, дунд бизнес эрхлэгчдэд зээл олгож ажлын байрыг хадгалах боломжтой гэжээ. Товчхондоо хэлэхэд арилжааны банкууд төрөөс амь тариа буюу дотаци хүссэн. Харин энэ хүсэлтийг УИХ-ын дарга хүлээн авч шийдэж өгөх боломжгүй, өвчин далимдуулж мөнгө нэхэж болохгүй гэж байр сууриа хатуу илэрхийлжээ.