97 мянган хүн бүрэн эдгээд байна

ЭМЯ-аас цаг үеийн ээлжит мэдээллээ хийж байна. 
Дэлхий дахинаа 336 мянган хүн халдвараар өвчилж, 14 мянган хүн амиа алдсан. Харин 97 мянган хүн бүрэн эдгээд байна.

ЭМЯ-ны Тандалт, судалгааны албаны дарга Д.Нарангэрэл: Дэлхийн 191 оронд өвчлөл бүртгэгдсэн. Итали, Испани, АНУ-д өвчлөлийн тархац өндөр, нас баралт өндөр байна.  Халдвараас сэргийлэхийн тулд 5-аас олонгүй хүн хоорондоо 1.5 метрээс хол зайд байхыг зөвлөж байна.

Өчигдөр Засгийн газар ээлжит бусаар хуралдсан.

14 хоногийн тусгаарлалтаас гараад гэртээ мөн 14 хоног тусгаарлах зааврыг ЭМЯ-аас гаргасан.

Тусгаарлалтад байгаа иргэдийг гурван удаа шинжилгээнд хамруулаад сөрөг гарсан тохиолдолд гэрт нь гаргана. Гэртээ гараад өөрийгөө 14 хоног тусгаарлан, ажиглана. Гар утасныхаа байршил тогтоогчийг байнга нээлттэй байлгана.

ДЭМБ-ын нэрийг ашиглан цахим гэмт хэрэг гарах тохиолдол олширч байгаа учраас иргэд, ААН-үүд рүү и-мейл ирсэн тохиолдолд нягтлан шалгаж, хувийн мэдээллээ алдахгүй байх, мөнгөөрөө хохирохгүй  анхааруулж байна.