Тусгай үүргийн онгоц шөнийн 01 цагт ирнэ, Ц.Элбэгдорж багтсангүй

Улаанбаатар-Стамбул чиглэлийн OM7161 дугаартай тусгай нислэг өнөөдөр /2020.03.18/ өглөө 06:46 цагт хөөрч, Стамбулд орон нутгийн цагаар өглөөний 10:22 цагт буухаар тооцож байна.

Тус нислэгээр 102 зорчигч, 4012 кг карго, 197.8 кг шуудан тээвэрлэж явсан бол Стамбул-Улаанбаатар чиглэлийн OM7262 дугаартай тусгай нислэг Стамбулаас орон нутгийн цагаар 11:40 цагт хөөрч, Улаанбаатарт 2020.03.19-ний 01:00 цагт буухаар төлөвлөж байна.

Тус нислэгээр 256 зорчигч, 9 тонн карго тээвэрлэн ирэх юм.  

 Ерөнхийлөгч асан Ц.Элбэгдорж өөрийн цахим хуудсаараа дамжуулан "Нэн шаардлагатай иргэдээ авч ирнэ гэж УОК-оос мэдэгджээ. Нэн шаардлагатай иргэд гэдэгт миний бие багтана гэж итгэе. Зарим хурал уулзалт цуцлагдаж, хойшилж бас ажил цэгцэрч байна. Вирусийн тархалт ихтэй газраас холдоод, өөрийгөө карантилж хугацаа тоолоод, нутаг руугаа ойртож явна" хэмээн мэдэгдээд байсан. Тэгвэл тусгай үүргийн чиглэлд ниссэн дөрвөн онгоцоор Экс Ерөнхийлөгч Ц.Элбэгдорж ирсэнгүй. 

Стамбулын нислэг ирснээр Монгол Улсын Засгийн Газар тусгай үүргийн онгоцыг дөрвөн удаа нисгэж дөрвөн улсаас иргэдээ авчирч дуусаад байна. Цаашдаа ахин нислэг үйлдэж иргэдээ нэмж авч ирэх асуудлыг УОК шийдэх ажээ.