ОХУ-ын хувийг эзэлж авахын тулд газрын тосны үнийг унагажээ

Сүүлийн өдрүүдэд дэлхийн зах зээл дээрх газрын тосны үнэ 1991 оноос хойш хямдарч байгаагүй хэмжээнд хүрч унасан явдал олон улсын шинжээчдийн анхаарлын төвд ороод байна. Гэхдээ газрын тосны үнэ ингэж огцом унасан явдал зүгээр нэг тохиолдол биш гэдгийг “The Wall Street Journal” мэдээлсэн байна. Тус сонин газрын тос олборлогчдын холбоо ОПЕК ба Саудын Аравийн Засгийн газрын төлөөний хүмүүстэй уулзсаны дараа ийм  тайлбар өгчээ.

Саудын Аравийн Засгийн газрын төлөөлөгч нь газрын тосны үнийг унагах замаар дэлхийн зах зээл дээрх Оросын эзэлж байсан хэсгийг өөрийн болгож авахыг чармайж байгаа тухайгаа тус сонинд мэдэгджээ. ОПЕК+ ОХУ нь гэсэн хүрээнд газрны тос олборлогчид олборлолтоо бууруулан, үнийг унахаас сэргийлэх, тогтоон барих талаар тохиролцох гэж оролдсон ч Оросын тал нь энэ удаад ОПЕК-той ийм тохиролцоо хийх нь Орост ашиггүй гэж үзсэн тул оролцохоос татгалзсан. Үүнээс хэдхэн хоногийн дараа 1 баррель газрын тосны үнэ 52 доллароос 45 доллар болж унасан. Гуравдугаар 9-нд газрын баррель газрын тосны үнэ 31,43 доллар хүртэл огцом унасан нь 1991 оноос хойш байгаагүй доогуур үзүүлэлт юм. Ингэж газрын тосны үнэ буурахтай зэрэгцэн Оросын рублийн ханш огцом унасан байна. Зарим эх сурвалжийн мэдээгээр оросууд баррель нефтийн үнэ 20 доллар хүртэл унахад бэлдэж эхэлсэн байна.

Батлагдаагүй мэдээгээр 1991 онд ЗХУ задрахад Саудын Арави газрын тосны үнийг одоогийнх шиг огцом унагасан явдал шийдвэрлэх үүрэг гүйцэтгэсэн гэж үздэг. Сауды Арави нь газрын тосны гол олборлогч тул тэндэх олборлолтын хэмжээ нь дэлхийн газрын тосны үнийг тодорхойлдог. Үүний АНУ чадварлагаар ашиглан шинэ зэвсэг, техник, хамтын худалдаа наймааны ашигтай нөхцөл санаа болгосны хариуд Саудын Аравийнхан өөрсдөдөө сөрөг нөлөө багатай байдлаар олборлолтоо удаан хугацаанд эрс нэмэгдүүлсэн. Газрын тосны үнээс асар их хамааралтай Зөвлөлт нь үнийн урт хугацааны уналтыг давж гарч чадалгүй задарч үгүй болсон гэлцдэг.