Израйлыг Ливаны агаарын орон зайнаас Сири руу пуужин харвахаа зогсоохыг шаардав

Израйл нь Ливаны тусгаар тогтнолыг хүндэлж, цэргийн нисэх хүчнээ газар нутаг дээгүүр нь дураар нисгэхээ зогсоох хэрэгтэй гэсэн шаардлагыг Ливан дах НҮБ-ын түр цэргийн хүчний командлагч, генерал Стефан дель Кол мэдэгдсэн байна.

Тэрээр “Израйлын онгоцнууд Ливаны агаарын орон зай зөрчин орж байгаа нь хил дээр гал зогсоох дэглэмийг тогтоосон НҮБ-ын АЗ-ийн 1701 тогтоолыг зөрчиж байгаа хэрэг юм. Израйлын энэ мэт үйлдэл н Өмнөд Ливанд тогтвортой байдлыг бий болгох, түгшүүрийг арилгахад чиглэсэн бидний хүчин чармайлтыг үгүйсгэж байна. Иймд Израйл нь Ливаны тэнгэрт дэх бүх ажиллагаагаа нэн даруй зогсоох ёстой” гэжээ.

Израйлийн цэргийн нисэх хүчний онгоцнууд нь хариу галд өртөхгүй, агаараас эсэргүүцэн хамгаалах пуужингийн дайралтаас зайлсхийх гэсэн үндэслэлээр ямагт Ливаны агаарын хилийн зөрчин, Ливаны нутаг дээрээс Сирийн нисэх буудал, цэргийн объектуудад пуужингаар цохилт өгч байгаа юм. Хамгийн сүүлд гэхэд Сирийн Хомс ба Эль-Кунейтр мужуудад дэх цэргийн баазууд руу Ливаны тэнгэрээс 12-оос доошгүй пуужин харвасан байна.

Үүний өмнө мөн л Ливаны агаарын хилийг зөрчин Сирид газар дах гэж явсан иргэний агаарын тээврийн онгоцоор халхавч хийж пуужин харвасан байсан. Тухай үед Сирийн тал иргэний онгоцыг нэн даруй Оросын цэргийн бааз дээр газардуулаагүй бол хариу пуужин харвасан тохиолдолд Ливаны тэнгэрт байгаа Израйлын онгоцыг бус харин ойролцоо нисэж явсан иргэний онгоцыг онох эрсдэл их байсан аж. Мөн Израйлын байлдааны онгоц Ливаны тэнгэрээс пуужин харваж байгаа тул Сири хариу цохилт өгч чадахгүй байгаа аж.