Ленин, Сталинаас суралц гэж Путинд олон удаа хэлж байжээ

1953 оны энэ өдөр Зөвлөлт улсын удирдагч Иосиф Сталин хүнд өвчий улмаас нас барсан тухай мэдээг олон нийтэд зарласнаар хүн төрөлхтний түүхэн дэх хамгийн ээдрээтэй үе дуусгавар болсон. Зарим нь энэ хүнийг “их багш”, “амьд бурхан” гэж магтан сайшааж, тахин шүтэж байхад өөр зарим нь “цуст алуурчин”, “дарангуйлагч” гэж үзэн яддаг.

Иосиф Сталиныг нас барсан ойгоор түүний талыг баримтлагч, Оросын коммунист намын гишүүд голдуу 200 орчим хүн Москва хотын төвд цугларан жасгаж, Кремлийн хананы дэргэдэх их удирдагчийн шарилд цэцэг өргөсөн байна.

Зөвлөлт задрах унах үеэр болон түүний дараахан Сталиныг бүгд л үзэн ядаж, элдэв өнгөөр хэлж байсан. Гэтэл сүүлийн жилүүдэд Сталины өв, төрийн тэргүүний хувьд хийж бүтээсэн зүйлийг Оросын иргэдийн тэн хагас нь нааштайгаар үнэлж байгааг олон тооны асуулга харуулсан.

ОХУ-ын Коммунист намын Төв хорооны тэргүүлэгч Геннадий Зюганов:

“Ленин, Сталинын үеийг шүүмжлэх бус, Зөвлөлтийн эрийн үеийн дурсах болгондоо хараан зүхэхийн оронд  суралцах хэрэгтэй гэж би Путинд нэг бус удаа хэлж байсан. Түүхийн мянга гаруй жилийн хугацаанд Зөвлөлтийн эрийн үе бол хамгийн баатарлаг, хамгийн ухаалаг, хамгийн шударга бөгөөд үр дүнтэй үе байсан юм. Өнөөдөр манай улсын бүх иргэд энэ дүгнэлтийг бататгаж байна” гэжээ.

Гэвч бүх ард түмний аугаа удирдагчийн дүр нь Оросын түүхэн дэх хамгийн маргаан дагуулсан дүр хэвээр байна. Тухайлбал, Москвад зарим нь ингэж магтан сайшааж байхад Екатеринбург хотноо санаачилгат бүлгийнхэн Сталин нас барсан 67 жилийн ойг тэмдэглэн галт наадам хийж, манайхны ярьдгаар салют буудуулжээ. Тэдний бодлоор Сталины үхэл нь цуст хэлмэгдүүлэлтийн эрин дуусгавар болсны бэлэг тэмдэг тул ингэж баярын ёслолын буудлага хийх ёстой гэж үзжээ.

Гүржийн Гори дэх Сталины музейг коронавирусийн улмаас хаасан байна.