Индонезид сэжигтэй тохиолдлуудыг эзгүй арал дээр тусгаарлана

Коронавирусийн сэжигтэй тохиолдлуудыг тусгаарлаж байгаа нөхцөл нэлээд асуудал дагуулж байна. Монголд тусгаарлагдсан зарим хүн өөрсдийг нь таван одтой сувиллын газар байршуулсангүй гэж уурласан бослого жагсаал хийхийн завдсан тухай мэдээ ирж байна. Гэтэл соёлтой боловсон Австралид гэхэд л эргээсээ 1500 км-ийн зайтай арал дээр тусгаарлахаар болсон. Зул сарын гэж нэрлэгдсэн энэ арал дээр Австрали руу хууль бусаар нэвтрэхийг завдаад баригдсан цагаачдын тусгаарлах төв байдаг. Тун муу нэртэй арал, тэндээс гарч ирсэн цагаачид бөөнөөр хорих лагерь шиг маш их хүчирхийлэл дунд амьдарсан гэж гомдоллодог.

Индонезийн эрх баригчид ч Австралийн туршлагыг тун боломжийн гэж үзсэн бололтой коронавирусийн сэжигтэй тохиолдлуудаа Галанг нэртэй эзгүй арал дээр тусгаарлахаар болжээ. Энэ арал дээр Вьетнамын дайны дараа тус улсаас дүрвэсэн хүмүүсийг 20 жилийн турш тусгаарлаж байсан тул бэлэн пүнз, байр, гүнийн худаг, цахилгааны шугам сүлжээ, өргөст торон хашаа зэрэг зүйлс байдаг аж. Иймд үхлийн аюултай өвчин туссан байж болзошгүй гэж үзсэн хүмүүсийг тусгаарлахад туйлын тохиромжтой гэж шийдсэн байна. Оргож зугтлаа ч усаар хүрээлэгдсэн арал тул тун боломжийн гэж үзсэн байна.