Малайзид нэг өдрийн дотор том даргын танил 14 хүн Covid-19-өөр өвджээ

Малайз саяхныг хүртэл 36 хүн Covid-19 халдвар авсан, дэгдэх эрсдэл харьцангуй гэж яригдаж байсан ч өчигдөр ганц өдрийн дотор 14 тохиолдол бүртгэгдэн халдвартай хүний тоо 50 хүрсэн байна.

Энэ 14 хүн Малайздаа томд орох үл хөдлөх хөрөнгийн бизнес эрхэлдэг “UDA Holdings Bhd” компанийн ТУЗ-ын гишүүн, нэр нөлөөтэй баян хүнтэй уулзахдаа халдвар авсан байна. Малайзийн хэвлэлд “өвчтөн №26” гэж яригдаж байгаа энэ хүнийг нь Өмнөд Солонгост шашны хэнээтэн эмэгтэйтэй халдвар тараасантай адил үүрэг гүйцэтгэсэн гэвэл онц хэтрүүлэг болохгүй гэнэ. Учир нь, гуравдугаар сарын 2-нд Covid-19-ийн халдвартай гэж шинжилгээгээр батлагдсан 7 хүн мөн л энэ баян хүнтэй уулзан ТУЗ-ын хуралд гэх мэт арга хэмжээнд оролцсон байна. Малайзын эрүүл мэндийн газраас “өвчтөн №26”-ийн бүх тохиолдлуудыг тодруулахаар уйгагүй ажиллаад 215 хүнийг олж тогтоосон гэж байна. Эднээс 16 нь “өвчтөн №26”-тэй шууд хавьтал байсан ч бол өөр 5 хүн шууд хавьтал биш ч гэлээ “өвчтөн №26”-тай нэгдүгээр хавьталд орсон хүмүүстэй дотно харилцаатай байсан байна. Одоо “өвчтөн №26”-ийн хавьтал гэсэн 180 хүн шинжилгээний хариу хүлээн түгшиж суугаа юм байна.

Хилийн чанад руу хүссэн үедээ бизнес ангиллаар нисдэг хэмжээнд хүрээд, баяжсан, нэр нөлөөтэй болсон зарим хүн өөрсдийгөө Covid-19-ийн халдвар тусахгүй, туслаа ч “дарга коронавирус” руу утас цохиод авлига өгч хурдан эдгэрнэ гэсэн ташаа ойлголттой явдаг бололтой.