О.Зоригт: Сүхбаатар аймгийн цагдаагийн ажилтнууд ээлж солигдох үеэр санамсаргүй сум алдсан

Сүхбаатар аймгийн цагдаагийн ажилтнууд  ээлж солигдох үеэр санамсаргүй сум алдаж, нэг иргэн хүнд шархадсан талаар зарим эх сурвалжууд мэдээлж байгаа юм. Эргэн сануулахад, 2020.02.22-ны өглөөний 08:40 цагт “Цагдаа бусдад буудуулсан байна” гэсэн дуудлага тус аймгийн Нэгдсэн эмнэлгийн Яаралтай түргэн тусламжийн газарт ирж, улмаар  Цагдаагийн газарт ажилладаг 46 настай Б нь хэвлийн хөндий, цээжин хэсэгтээ буудуулсан байдалтай эмнэлэгт хүргэгдэж,  цагдаагийн ажилтны биеийн байдал хүнд байсан учраас Цэргийн төв эмнэлэг рүү шилжүүлэн, эмчилж байсан ч  /2020.03.02/ нас барсан юм. Энэхүү хэргийн талаар Цагдаагийн ерөнхий газрын Мэдээлэл, дүн шинжилгээ, Шуурхай удирдлагын албаны дарга, цагдаагийн хурандаа О.Зоригтоос тодрууллаа. Тэрбээр "Сүхбаатар аймгийн цагдаагийн ажилтнууд ээлж солигдох үеэр санамсаргүй сум алдаж, хүнд шархадсан цагдаа 2020.03.02-нд харамсалтайгаар амиа алдсан. Энэ асуудлыг АТГ харьяаллын дагуу шалгаж байна. ЦЕГ бол албан шалгалтаа хийсэн, дүн нь гарсан. Удахгүй энэхүү албан шалгалтын дүн дээр үндэслээд холбогдох албан тушаалтнуудад хариуцлага тооцох асуудал яригдаж эхэлнэ гэлээ.