Хятад улсад 1961 оноос хойш хамгийн чийглэг, дулаан өвөл болсон

Нийтийн хүлээн зөвшөөрөгдсөн хуанли ёсоор гуравдугаар сарын 1-ээс өвөл дуусаж, хавар эхэлдэг. Харин манай урд хөрш БНХАУ-ын хувьд өнгөрсөн өвөл нь 1961 оноос хойш таарч байгаа хамгийн дулаан бас чийглэг байсан тухай “Синьхуа” агентлаг мэдээлсэн байна.

Тус агентлагт Хятадын Үндэсний ус, цаг уур судлалын төвөөс мэдээлснээр өнгөрсөн өвөл Хятад даяар агаарын дундаж температур ердөө -2,25 градус байсан ч 1961 оноос хойш тавдугаарт орох дулаан үзүүлэлт юм байна.

Ингээд зогсохгүй Шаньдун, Зянсу, Аньхой, Жэзян, Гуандун муж болох Шанхай хотод цаг агаарын ажиглалтын түүхэн дэх хамгийн дулаан өвөл болсон байна. Хур тунадасны хэмжээ ч өмнөх жилүүдийнхээс их байсан.  Тухайлбал, Бээжин хотод 38 мм бороо орсон нь өмнөх жилүүдийнхээ 3,4 дахин өндөр үзүүлэлт аж.

Залгаад эхэлж байгаа хавар ч мөн адил их дулаан бас хур тунадас ихтэй байна гэдгийг цаг агаар судлаачид анхааруулжээ. Тэд шат шатны удирдлагуудад хандан олон тооны үер дагуулсан их хэмжээний бороотой тулна гэдэгт бэлтгэлтэй байхыг зөвлөсөн байна.