Хэлмэгдэж 23 жил шоронд хоригдоод 1,5 сая долларын нөхөн төлбөр авчээ

Америкийн Канзас муж улсын оршин суугч хэлмэгдэж, 23 жил шоронд хоригдсоны дараа гарч ирээд асар их нөхөн төлбөр авсан тухай “Unilad” мэдээлсэн байна.

Ламон Макинтайр гэгч энэ хүн 1994 онд 17 настайдаа хүн амины хоёр хэрэгт гүтгэгдэн хэлмэгдэж 23 жил буюу 8,5 мянган өдөр хоригджээ. Гэвч хүний эрхийг хамгаалагчид уйгагүй хөөцөлдсөөр 2017 онд түүний хэргийг Уайандот тойргийн шүүх дахин авч хэлэлцээд буруугүй гэж шийдвэрлэжээ.

Үүний дараа Ламон Макинтайр нь алдаатай шүүлтийн тухай хуулийн дагуу Канзас мужийн эсрэг зарга үүсгэн нөхөн төлбөр нэхэмжилжээ. Ингэснээр хоёрдугаар сарын 24-нд мужийн Ерөнхий прокурорын офис нь Макинтайрт 1,5 сая долларын нөхөн төлбөр олгох шийдвэр гаргажээ. Түүнчлэн 2020 ба 2021 онуудад эмнэлгийн үйлчилгээ авах төрийн хөтөлбөрт хамрагдах зөвшөөрлийг, гэм буруугүйг нотолсон серфтификатын хамт олгосон байна.

Нэгэнт буруугүй гэдэг нь тогтоогдсон тул Ламонтыг хэлмэгдүүлсэн хавтас хэрэг, ДНХ-ийн тухай бүх баримт мэдээллийг устгах тул тэрээр амьдарлаа цоо шинээр эхлүүлэх боломжтой болох аж.

Ламонт  хэлмэгдүүлэлтийн талаар ярихдаа “Канзас муж миний амьдралын 23 жилийг булааж аваад оронд нь юу ч өгөөгүй. Муж нь миний залуу насыг булааж авсан. Миний төрсөн өдөр болгоныг, гэр бүлтэйгээр өнгөрүүлэх ёстой байсан Зул сарын баяр болгоныг бас болоогүй ар гэр минь намайг хамгийн ихээр үгүйлж байсан хүнд хэцүү цаг үеэр ч ч би хамт байж чадаагүй” гэжээ.

Тэрээр чөлөөлөгдөж, асар их нөхөн төлбөр авсан даруйдаа өөртэй нь адил байдалд орж хэлмэгдсэн хүмүүст туслах “Гэм буруугүйн гайхамшиг” нэртэй ТББ байгуулан үйл ажиллагаа явуулдаг болжээ.

Улс болгонын нөхөн төлбөр олгох тогтолцоо ялгаатай юм.