Хятад улс Пакистан, Энэтхэгээс орж ирэх царцааны нүүдэлд өртөж магадгүй

БНХАУ-ын Ойн аж ахуй, бэлчээрийн удирдах газар нь шат шатны удирдлагадаа хандан цөлийн царцааны нүүдлээс сэргийлэх арга хэмжээ авах шаардлага гараад байгаад сануулсан тухай “Синьхуа” агентлаг мэдээлжээ.

НҮБ-ын Хүнс ба хөдөө аж ахуйн байгууллагаас гаргасан тооцоогоор Хятадыг чиглэсэн Африкийн царцааны нүүдэл зургаадугаар сар хүртэл үргэлжилнэ. Зургаадугаар сар гэхэд царцааны нүүдэл нь анх орж ирж байсан хэмжээнээс 500 дахин томорч магадгүй гэдгийг мэргэжилтнүүд анхааруулж.

Царцаан нүүдэл Хятад руу орж ирэх хамгийн гол чиглэлүүдийг тооцон гаргажээ. Үүнд: Пакистан ба Энэтхэгээр дамжин Төвөдөөр орж ирнэ эсвэл Мьянмараар дамжин Юньнань муж руу орж ирнэ  Казахстанаар дамжин Шинжаан-Уйгарын өөртөө засах орон руу орж ирнэ аж. Царцаан нүүдэл аль ч чиглэлийг сонгосон бай Хятадын хөдөө аж ахуйн, хүнсний бүтээгдэхүүний аюулгүй байдалд ноцтой хохирол учруулна гэдгийг мэргэжилтнүүд анхааруулжээ.