Хойд Солонгос 2020 оны анхны пуужингаа харважээ

Хойд Солонгос 2020 оны анхны пуужингаа харвасан тухай “Associated Press” мэдээлсэн байна. Хойд Солонгосын Вонсан хотын ойролцоогоос хоёр пуужин харвасан тухай БНСУ-ын Штабын дарга нарын нэгдсэн хороо мэдээлсэн байна. Ямар төрлийн пуужин байсан, хэр өндөрт хөөрсөн талаар тодорхой мэдээлэл алга байна. Хойд Солонгосын удирдагч хоёр өдрийн өмнө Өмнөд Солонгосын хилийн дагуух ангиудын бэлэн байдлыг шалгаж их буу, тийрэлтэт сумны буудлага хийсний дараахан хоёр пуужин харвалаа.

Ким Жон Ун нь 2020 оны нэгдүгээр сарын 1-нд шинээр бүтээсэн стратегийн зэвсгээ дэлхийн нийтэд харуулна гэж мэдэгдэж байсан юм. АНУ нь Хойд Солонгосыг түрэмгийлэх бодлого баримталсан хэвээр байгаа тул стратегийн зэвсэг зохион бүтээх ажлаа улам шамдуулна гэдгийг тэрээр онцолж байсан. Хойд Солонгос нь 2019 онд 13 удаа пуужин харваж туршилт хийсэн юм.