Говь-Алтай аймгийн засаг дарга В.Рэнцэндорж гэж хэн бэ

Говь-Алтай аймгийн засаг дарга В.Рэнцэндорж нь 2019 оны зургадугаар сард ажлаа хүлээн авсан. Тэгвэл ажлаа хүлээж аваад есөн сарын хугацааг үдсэн Говь-Алтай аймгийн Засаг дарга В.Рэнцэндорж гэж хэн бэ?

Тэрбээр 1977 онд Говь-Алтай аймгийн Алтай хотод төрсөн.   Ам бүл 5. Эхнэр  3 хүүхдийн хамт амьдардаг.

   Боловсрол

•    1985-1995 онд Говь-Алтай аймгийн 10-н жилийн 2-р сургууль
•    1995-1999 онд Цагдаагийн дээд сургууль
•    2007-2009 онд Удирдлагын Академийн Төрийн удирдлагын сургууль
•    2011-2011 онд Хууль сахиулах дээд сургуулийн магистр
•    2008 онд Польш улсын Караков хотод Нутгийн өөрөө удирдах ёсны бие даасан байдлын чиглэлээр мэргэжил дээшлүүлсэн
•    2013 онд НҮБ-ын “Орон нутгийн засаглалыг дэмжих хөтөлбөр” төслийн Нутгийн удирдлагын сургагч багш

   Ажилласан байдал

•    1999-2000 онд Говь-Алтай аймгийн Бугат сумд хэсгийн төлөөлөгч
•    2000-2003 онд Говь-Алтай аймгийн Цагдаагийн хэлтэст эрэн сурвалжлалт хариуцсан ахлах төлөөлөгч
•    2004-2007 онд тус хэлтэст ахлах хэрэг бүртгэгч, ахлах мөрдөн байцаагч
•    2007-2014 онд Аймгийн ИТХ-ын Тэргүүлэгчдийн нарийн бичгийн дарга
•    2014 оноос Аймгийн МАН-ын дарга
•    2016-2018 онд Говь-Алтай аймгийн Засаг даргын орлогч
•    2019 оноос Говь-Алтай аймгийн Засаг дарга

Тэрбээр ажлаа хүлээж аваад удаагүй байхдаа 2019 оны есдүгээр сард буюу гуравхан сарын дараа АТГ-т дуудагдсан байдаг.

Түүнийг эхнэрийнхээ дансаар дамжуулан их хэмжээний мөнгө оруулж, гаргасан гэх үндэслэлээр АТГ-аас дуудаж мэдүүлэг авсан гэдгийг эх сурвалжууд мэдээлсэн. Гэвч тэрбээр энэхүү мэдээллийг үгүйсгэж өмнөх засаг даргын газрын маргаантай асуудал,  уул уурхайтай холбоотой зарим асуудлаар АТГ-аас тайлбар авсан гэх мэдээллийг өгч байв.