Covid-19 вирусээс болж юанийг устгалд оруулж эхэлжээ

БНХАУ-ын эрх баригчид халдвар цаашид тархахаас сэргийлэх үүднээс коронавирусын тархалт хамгийн их гарсан мужууд дах бэлэн мөнгөний зарим хэсгийг устгалд оруулах шийдвэр гаргасан тухай “Business Insider” мэдээлсэн байна.

Халдвар хамгийн их тархсан бүс нутгийн эмнэлэг, зах, автобус болон бусад газраас ирж байгаа мөнгөн тэмдэгтүүдийг Гуанжоуд авчран устгалд оруулахаар шийдвэрлэсэн гэж байна. Түүнчлэн арилжааны зээлийн байгууллагуудад халдвартай бүс нутгаас ирсэн мөнгөн тэмдэгтүүдийг тусад нь хадгалах зааврыг Хятадын Төв банкнаас өгсөн байна. Гэхдээ халдвартай бүс нутгаас ирсэн бүх мөнгөн тэмдэгтийг устгалд оруулахгүй, зарим хэсгийг нь ариутган халдваргүйжүүлсний дараа эргэлтэд буцаан оруулах аж. Үүний өмнө мөнгөн тэмдэгтүүдийг хэт ягаан туяагаар шарж ариутгаад, хоёр долоо хоног тусгаарласны дараа ахин эргэлтэд оруулах юм байна.