АТГ-аас Ерөнхийлөгч асан Ц.Элбэгдоржийг эрэн сурвалжлуулахаар Интерполд ханджээ

О.Шүрэнцэцэг

2020/02/14

АТГ-аас Монгол Улсын Ерөнхийлөгч асан Ц.Элбэгдоржийг яллагдагчаар татан, түүний хаана байгааг тогтоолгохоор Интерполд хандсан байна.

Нийслэлийн прокурорын газраас Ц.Элбэгдоржийг Ерөнхийлөгчөөр ажиллаж байхдаа Монгол Улсын Ерөнхийлөгчийн тухай хууль болон бусад хуулийг зөрчиж Худалдаа хөгжлийн банк, түүний охин компани болох, TDB Capital, Mongolian Copper Corporation-д давуу байдал олгосон гэх үйлдэлд нь энэ оны нэгдүгээр сарын 30-ны өдөр яллагдагчаар татаж, мөрдөн шалгах ажиллагаа явуулж байгаа юм байна.

Мөн оффшор бүстэй холбоотой, Монгол Улсын эдийн засгийн аюулгүй байдлыг доройтуулсан гэх үйлдлүүдэд нь хэрэг бүртгэлтийн хэрэг нээгээд шалгаж байгаа.

Тиймээс /2020.02.03/ АТГ-аас Монгол Улсын Интерполын Үндэсний төв товчоонд Ц.Элбэгдоржийн талаар мэдээлэл авах, байгаа газрыг нь тогтоолгохоор хөх буланд зар байршуулах хүсэлтийг гаргаад байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ