З.Энхболд: Би өргөдлөө өгөөд, ажлаа өгч байна

ЕТГ-ын дарга З.Энхболд мэдээлэл хийлээ. Тэрбээр, "Би одоо өргөдлөө өгөөд, ажлаа өгөх гэж байна. Ерөнхийлөгч хүлээж авахаа амалсан. Би С.Эрдэнэ даргын орон тооны бус зөвлөх болсон. Би АН-аас дэвшихгүй. Би хаанаас нэр дэвшихээ одоогоор шийдээгүй байна. Судалгаа хийж байна. 

Миний оронд Монголын хөл бөмбөгийн холбооны Шижир ирнэ. Тэр маргаашаас ажлаа хүлээж авна. Миний хувьд Езрөнхийлөгчтэй эв түнжин сайн байгаа. Намайг нэр дэвших ажлаа хийж эхэл гэсэн. 

Нийгмийн даатгалын сан чөлөөт үлдэгдлээ банкинд хадгалуулаад 30 жил болж байгаа. Н.Номтойбаярын үед энэ мөнгө бүрэн байсан. С.Чинзориг сайдын үед "банкны байдал муудлаа" гэж хэлсээр байтал алдсан. Мөнгөө татах боломж байсан ч тэгээгүй. 2019 он эхлээд Капитал банк муудах дохио өгсөөр байтал мөнгөө татаагүй нь С.Чинзоригийн буруу. Н.Номтойбаяр хамаагүй. Мөнгө алга болсон үеийн сайдад хариуцлага тооцохын оронд хамаагүй хүмүүсийг шалгаж байгаа нь хуулийн байгууллага ажлаа хийж чадахгүй байгаагийн жишээ.