“Boeing” компанийн өр 32-34 тэрбум долларт хүрнэ

“Boeing 737 MAX” онгоцыг тойрсон асуудлаас болоод “Boeing” компани 2020 он гарснаас хойш нэг ч онгоцны захиалга хүлээж аваагүй тухай “Reuters” агентлаг мэдээлж байна. Энэ бол 1962 оноос хойш анх удаагаа “Boeing” компанийн онгоцыг хэн ч худалдан авахыг хүсэхгүй байгаа анхны тохиолдол гэжээ.

Энэ зуур “Boeing”-ийн гол өрсөлдөгч Европын “Airbus” компани арилжааны зориулалтаар нисэх зорчигч тээврийн 274 онгоцны захиалга авсан байна. Энэ бол “Airbus” компанийн хувьд сүүлийн 15 жилийн хамгийн дээд үзүүлэлт болсон.

Өнгөрсөн оны байдлаар “Airbus” компани нь иргэний онгоцны нийлүүлэлтээрээ “Boeing”-оос хоёр дахин илүү гарсан. Ингэснээр иргэний нисэх онгоцны үйлдвэрлэлийн салбарын манлайлагч компани 2012 оноос хойш ахин өөрчлөгдлөө.

“Boeing”-ийн бүх асуудал нь “Boeing 737 MAX” онгоцны асуудлаас үүдэлтэй. Өнгөрсөн гуравдугаар сард гарсан хоёр сүйрлийн дараагаар энэ загварыг онгоцыг нислэгт ашиглахыг түр хориглосон. Хоригийг хэзээ тавигдахыг компанийн удирдлагууд мэдэхгүй байна. Сүүлд ирж байгаа мэдээгээр АНУ-ын Иргэний нисэхийн холбооны удирдах газар энэ оны дундуур зөвшөөрөл өгөхөөр төлөвлөж байгаа аж.

Гэтэл зуур “Boeing” компанийн өр 32-34 тэрбум доллар хүрнэ гэж “Fitch”-ийн мэргэжилтнүүд тооцсон байна. Иймд тус компани нь мөнгөний балансаа сэргээхийн тулд арав гаруй банкнаас нийт 12 тэрбум долларын зээл авахаар тохиролцоод байгаа тухай Америкийн хэвлэл мэдээллийн хэрэгслүүд мэдээлж байна.