Казахстаны ДНБ нэгдүгээр сард 3,6 хувиар өсжээ

Казахстан улсын Дотоодын нийт бүтээгдэхүүний хэмжээ оны эхний нэг сарын дүнгээр 3,6 хувиар өссөн тухай тус улсын Эдийн засгийн сайд Руслан Даленов мэдээлсэн байна.

Үүний дотор Казахстаны барилгын салбар 12,5 хувиар, харилцаа холбооны салбар 9,8 хувиар, худалдааны салбар 5,2 хувиар, аж үйлдвэрлэлийн салбар 4,1 хувиар, тээврийн салбар 3,6 хувиар, хөдөө аж ахуйн салбар 2,6 хувиар тус тус өссөн байна.

Тус улсын Засгийн газар нь 2020 эдийн засгийн өсөлтийг 4,7-5 хувьд байлгах зорилттой  байгаа. 2019 онд Казахстаны ДНБ-ий өсөлт 4,5 хувь, жилийн инфляци 5,6 хувь байжээ.